Gimnastika növünün ən zərif nümayəndələri bu dəfə Bakı Olimpiya İdman Kompleksində keçirilən 28-ci Bakı çempionatında qüvvələrini sınayırlar.

Bakusport.az xəbər verir ki, turnirdə "Ocaq Sport" Klubunun Bakı və Hövsan bölmələri,Su İdman Sarayı, İxtisaslaşdırılmış Olimpiya Ehtiyatları Uşaq-Gənclər Gimnastika Məktəbi, Respublika Kompleks İdman Məktəbi, "Grasiya" İdman Klubu, Zirə Mədəniyyət Mərkəzi, Zabrat, Şağan Olimpiya İdman Kompleksini təmsil edən gimnastlar paytaxtın ən güclüsü adı uğrunda mübarizəyə başlayıblar.

Yarışda uşaq, yeniyetmə və gənclər mükafatlar uğrunda bacarıqlarını göstərirlər. Üç gün davam edəcək yarışda qaliblər yaş qruplarına müvafiq olaraq fərdi, çoxnövçülük və ayrı-ayrı alətlər üzrə müəyyənləşəcək.