Uşu-Kunq Fu üzrə milli komandamız Avropa çempionatına hazırlıqları uğurla davam etdirir.

Bakusport.az xəbər verir ki, noyabrda Yunanıstanda təşkil olunacaq qitə turnirində yığmamız tam heyətlə çıxış edəcək. 13 idmançı ilə təmsil olunacaq milli komandamıza ümidlər böyükdür. Təmsilçilərimiz Avropa çempionatında baş məşqçi Elçin Eminovun rəhbərliyi altında yollanacaqlar.

Ciddi səylə yarışa hazırlaşan milli komandanın üzvləri də çempionatda uğurla çıxış edərək, ölkəmizi layiqincə təmsil edəcəklərinə inanırlar.

Qeyd edək ki, Uşu-Kunq Fu üzər Avropa çempionatı noyabrın 10-16-dək Afianda davam edəcək. Millimiz bunun ardınca dekabrda İndoneziyada təşkil olunacaq gənclərin dünya çempionatında çıxış edəcəklər.