İspaniya millisi DÇ-2022-nin ilk turunda Kosta Rikanı darmadağın etməklə yeni rekordlara imza atıb.

Bakusport.az "Opta"ya istinadən xəbər verir ki, İspaniya görüşdə 81,7 faiz topa sahib olublar. Bu isə dünya çempionatları tarixində rekorddur. Daha əvvəl ən yüksək nəticə 2010-cu ildə qeydə alınıb. Argentina yığması həmin vaxt Yunanıstanla oyunda 80,3 faiz topa sahib olub.

Həmçinin İspaniya Kosta Rika ilə matçda 1000-dən çox ötürmə edib. Bu isə 1966-cı ildən etibarən ən yüksək nəticədir. 

Bundan əlavə, İspaniya dəqiq ötürmələrin sayına görə də mundialların rekordunu qırıb - 976 dəqiq ötürmə.